मत्ती 27:57-61

Awadhi Bible: Easy-to-Read Version

ईसू क दफन

(मरकुस 15:42-47; लूका 23:50-56; यूहन्ना 19:38-42)

⁵⁷ सांझ क समइ अरिमतियाह सहर स यूसुफ नाउँ क एक धनवान आवा उ खुद ही ईसू क चेला होइ गवा। यूसुफ पिलातुस क लगे गवा अउर ईसू क ल्हास माँगेस। ⁵⁸ तबहिं पिलातुस हुकुम दिहस कि सब ओका दइ दीन्ह जाइ। ⁵⁹ यूसुफ ल्हास लई लिहस अउर ओका एक नई चदरे मँ लपेटिके ⁶⁰ आपन खुद क नई कब्र मँ धइ दिहस। जेका उ चट्टाने मँ काटि के बनवाए रहा। फिन उ चट्टाने क दरवाजे प एक बड़का सा पाथर लुढ़काएस अउर चला गवा। ⁶¹ मरियम मगदलीनी अउर दूसर स्त्री मरियम हुवाँ कब्रे क समन्वा बइठी रहिन।