Tuˈj Matey 22:41-46
Mam, Central
T‑xjelbˈitz Jesús kye Parisey(A)
41 Chˈuqleqextaq Parisey, 42 xi tqanin Jesús kye: ¿Tiˈtzin chˈin kye nkyximiˈn tiˈjjo Crist, a Kolil? ¿Jaˈtzila tzajnin tyajil?
Tyajil David, chi chiˈ.
43 Tuˈnpetziˈn, xi ttzaqˈwin Jesús: A qa ikyjo, ¿Tzeˈntzin tten te Davidtz, tuˈn tipin Xewbˈaj Xjan, ok tqˈoˈn te tAjaw, exsiˈn naˈmtaq tul itzˈje Crist, a Tajaw Tkyakil? Quˈn ikytzin tqˈma Davidjo:
44 Xi tqˈmaˈn qMan Dios te wAjawa:
Qekuy toj nman qˈobˈa kawil wukˈiy,
ex kˈwel kyiˈjjo tajqˈoja wuˈn.
45 Twutzx teˈ qa a Crist tyajil David. ¿Me tzeˈntzin ttentz o yolin te David tiˈj Crist, a naˈmtaq titzˈje, ex ok tqˈoˈn te tAjaw?
46 Ex mix aˈl jun bˈant ttzaqˈwin teˈ yol lo. Atxixsiˈn, mix aˈl juntl ul toj tkˈuˈj tuˈn tokx tlimoˈn tibˈ qanil juntl tiˈ.
Read full chapter
Tuˈj Marks 12:35-37
Mam, Central
T‑xjelbˈitz Jesús kye Parisey(A)
35 Teˈ nxnaqˈtzintaq Jesús toj tnejil ja te naˈbˈl Dios, xi tqanin jun t‑xjelbˈitz kye xnaqˈtzil tiˈj ojtxe kawbˈil: ¿Tzeˈntzin tten kyqˈmaˈn xnaqˈtzil tiˈj ojtxe kawbˈil, qa tyajil David te Crist, a Kolil, a at toklin tuˈn Dios? 36 Ax David qˈmante jun maj tuˈn Xewbˈaj Xjan:
Xi tqˈmaˈn Dios te wAjawa:
Qekuy toj nman qˈobˈa kawil wukˈiy,
ex kˈwel kyiˈjjo tajqˈoja wuˈnch.
37 Twutzx teˈ qa a David t‑xeˈchil Crist. ¿Me tzeˈntzin ttentz o yolin te David tiˈj Crist, a naˈmtaq titzˈje, ex ok tqˈoˈn te tAjaw?
Tbˈanilx ele t‑xnaqˈtzbˈin toj kywutzjo jniˈ xjal.
Read full chapterCopyright © 2002 by Wycliffe Bible Translators International