Taneshtilis 21

Ne Bibliaj Tik Nawat

Ne yankwik ilwikak wan ne yankwik tal

21 Wan nikitak se yankwik ilwikak wan se yankwik tal, ika ne achtu ilwikak wan ne achtu tal panutiwit wan ne weyat intea nemi. ² Nusan nikitak ne itechan Teut, Yerushalem, waltemu tik ne ilwikak itech ne Teut, ajshitijtuk ken se siwamunti yektzinchijtuk ipal ne ishulejyu. ³ Wan nikakik se tzajtzi tik ne kuijpal ina:

⁵ Wan ne muetztuk ijpak ne kuijpal inak: "Shikita, muchi nikchiwa yankwik." Wan ina: "Shitajkwilu, ka ini ne pajpalabraj yek wan yekkaya." ⁶ Wan nechilwij:

⁹ Wan walaj se ipal ne chikume tanawatiani ne kipiatuyat ne chikume wajkal tejtentuk iwan ne tipan chikume kukulis, wan nechnutzki, ina: "Shiwi, ma nimetzilwiti ne siwamunti, ne isiwaw ne ichkakunetzin." ¹⁰ Wan nechwikak iwan iijiu ijpak se wey tepet sea kojtik wan nechilwitij ne techan ipal ne Teut, Yerushalem. Yaja temu witz tik ne ilwikak, itech ne Teut. ¹¹ Kipia ne itzitzinakalis wey ne Teut. Ne itawilyu muita ken se kusti sujsul wey ipatiw, ne sujsul tzitzinaka. ¹² Kipia se wey tepanti sea kojtik. Kipia majtakti-ume tentzakka, wan ijpak ne tejtentzakka majtakti-ume tanawatiani, wan ijpak muijkwilujtiwit ne intujtukay ne majtakti-ume tribuj ipal ne ipilawan Israel: ¹³ ka taneskan yey tentzakka, ka ajkuik yey tentzakka, ka tatzinu yey tentzakka, wan kan kalaki ne tunal uk yey tentzakka. ¹⁴ Wan ne tepanti ipal ne techan kipia majtakti-ume tetzilnaj, wan inhijpak nemit ne majtakti-ume intukay ne majtakti-ume ititanijtuk ne ichkakunetzin.

¹⁵ Wan ne nuwan taketza kipiatuya se akat ipal teukwit pal tatamachiwa, pal yaja kitamachiwa ne techan wan ne itejtentzakka wan ne tepanti. ¹⁶ Wan ne techan kipia nawi itzin wan ne iweyak kenha ken ne ipatawak. Wan kitamachij ne techan iwan ne akat wan kipia dos mil kilometroj iweyak, wan ne ipatawak wan ne ikojtik kenha. ¹⁷ Nusan kitamachijki ne tepanti: yeshpual-majtakti-ume metroj ken tatamachiwa se takat, kineki ina se tanawatiani. ¹⁸ Wan ne tejtepanti muchijtuyat iwan ikujkus yaspej, wan ne techan ipal teukwit chipawak ken se vidrioj chipawak. ¹⁹ Ne tejtetzilnaj ipal ne tejtepanti ipal ne techan muekchijtuyat iwan muchi ne kujkusti: ne achtu ikus yaspej, ne ume zafiroj, ne yey calcedoniaj, ne nawi esmeraldaj, ²⁰ ne makwil ikus sardonicaj, ne chikwasen sardioj, ne chikume ikus teukwit, ne chikwey beriloj, ne chiknawi topacioj, ne majtakti ikus crisoprasoj, ne majtakti-se jacintoj, ne majtakti-ume amatistaj. ²¹ Wan ne majtakti-ume tentzakka, yejemet majtakti-ume perlaj, sejse ipal ne tejtentzakka se perlaj. Wan tik itajku ne techan muchi ipal teukwit chipawak ne muita ken cristal.

²² Wan te nikitak se teupantzin ka né, ika ne tajtzin Teut ne weli muchi yaja ne teupantzin, wan nusan ne ichkakunetzin. ²³ Wan ne techan inte muneki ne tunal nian ne metzti pal tajtawiat ka né ika ne itzitzinakalis ne Teut kitawiluj, wan ne itawil ne ichkakunet. ²⁴ Wan nejnemisket ne tejtechan iwan ne itawilyu, wan ne tatuktianimet ipal ne taltikpak kalwikat ne intzitzinakalis, ²⁵ wan ne tejtenkal ipal ne techan inte yawit mutzakwat ka tunal (ika inte keman yawi tayuaki ka ikuni), ²⁶ wan kalwikasket ka né ne intzitzinakalis wan ne inhonor ne tejtechan, ²⁷ wan te yawi kalaki ijtik yaja muchi tay susulnaj, wan kichiwa tay ijyak, wan taketza sanka, semaya ne ijijkwilujtuk ijtik ne iamaw yultuk ne ichkakunetzin.