Add parallel Print Page Options

Naja ni Pawlo, ne itekitini ne Mawaltijtuk, Yeshu; ne nutztuk pal muchiwa titanijtuk; ne ishtemujtuk ipal ne iyeknawatilis ne Teut ne inatuya ka yawi techmaka itech ne itajtaketzani tik ne ajamat ipal Teut se yeknawatilis ipanpa ne ikunew, ne kiski tik ne ishinach Dawid itech inakayu.

Kwak Yeshu Mawaltijtuk mikik wan muyulkwepki, ne Ijiutzin ipal Teut kituktij ken ikunew Teut iwan itajpal, wan itech yaja tikwijtiwit tetasujtalis wan tetitanilis ipal tetakamatilis ipal tayulmatilis tik muchi ne tejtechan tik itukay.

Wan ijtik yejemet, anmejemet nusan metzinnutztuk Yeshu Mawaltijtuk! Muchi ne nemit tik Roma, yejyektasujtatuk ipal Teut, nujnutztuk pal muchiwat ipal Teut: ma metzinmaka ne tuteku Teut, wan tutajtzin Yeshu Mawaltijtuk, itetasujtalis wan inejmachnemilis.

Achtu, nikilwia panpadiush ne Teut, itech Yeshu Mawaltijtuk, anmupanpa muchi, ika ne anmutayulmatilis munawatia nujme ne taltikpak. Ika ne Teut, ká ipal nitekiti iwan muchi nuyulu wan nitayeknawatia tay ipal ne ikunew, kimati ka senpa nimetzinhelnamiki. 10 Kwak niknutza ne Teut, senpa niktajtani su ashan weli nechajkawa niaw nipashalua, iwan itaelewilis ne Teut, pal niajsi anmutech, 11 ika nikelewia nimetzinhita pal nimetzintakulia chiupi Ijiutzin pal metzinpalewia, 12 pal kiane welit timusennapaluat anmuwan ijtik anmutayulmatilis wan ijtik ne nupal.

13 Nikneki ma shikmatikan, nukniwan, ka ninak seujseujti ka niasneki anmutech, melka te niwelik hasta ashan, pal nusan nikpia sejse nutakil anmuwan kenha ken iwan uksejse techan. 14 Greciajtakamet wan Indiojmet, ne kimatit wey wan ne melemet, nikinwikilia muchi! 15 Kiane tel, naja niknekiskia nimetzinmaka anmejemet nusan ne yeknawatilis.

16 Ika te nishpinawa ipanpa ne yeknawatilis. Yaja ne itajpal Teut pal kimakishtia muchi ne tayulmatit: ne Yudayujmet achtu, ne Greciajtakamet nusan. 17 Ijtik yaja muneshtia ne itamelakchiwalis ne Teut, sejsenpa iwan tayulmatilis, ken nemi ijkwilujtuk:

    "Ká ne yulmelawak, ipanpa tayulmatilis yaja yawi yultuk."

Muchi titateyekchiwat

18 Muneshtia ikwalan Teut ka ilwikak ipanpa tay kichiwat takamet ne inte kitasujtat ne Teut wan kichiwat tay teyek, ne kichiwat ne inteyek wan te kiajkawat ma kisa ne tejkia, 19 ika tay ne tikmatit ipanpa ne Teut muneshtijtuk inpal, ka ne Teut kinneshtilija: 20 ika tay ne kipia ne inte weli muita, tiwelit tikejketzat ika tikmatit ka yaja kichijtuk muchi, wan ne itajpal ne inte tami, wan ka yaja Teut.

Kiane, inte welit inat tatka! 21 Kishmatit ne Teut, wan te kiweychijket nian kilwijket panpadiush. Yajika muchi tay inat inte tatka ipatiw; ne inyujyulu kunyuakistiwit wan te kimatit tatka: 22 ika inat ka kimatit wey, wan tzujtzuntet, 23 wan kipataket ne itawilyu ne Teut inte wilewi wan kitalijket se tachialis ipal ne iishkalyu ne takat wilewini, wan tujtutut wan nawikshimet wan ulininimet.

24 Neka ne Teut kintemakak iwan tay ne susulnaj ipanpa ne itajtaelewilis ne inyujyulu, wan kinhajkaw kisusulwiat ne inwejweyka ijtik yejemet: 25 kipataket tejkia tik sanka, wan mutankwaketzket wan muchijket tekitinimet ipal ne chijtuk wan te ne kichijki ne yektenejtuk pal senpa, amen!

26 Yajika ne Teut kintemakak iwan tajtaelewilis teyek, wan kiane ne insijsiwawan muejenchiwat ken te ijkiuni wan te ken muneki, 27 wan ne ukichmet nusan tea kinnapalujket ne siwatket ken muneki wan pejket tatat muelewiat se ukich iwan ukse ukich, wan tatzinhejenchiwat ken te munekit ijtik yejemet; wan kikwit ijtik yejemetsan tay ne tamaka ne inmushijshikulis.

28 Wan ken inte kinekiket kishmatit ne Teut, ne Teut kinhajkaw yultaketzat ken inte muita yek wan ma kichiwakan tay inte nemi yek, 29 tejtentuk iwan muchi tay inte yek: tepalelewilis, kwalan, temiktilis, musujsumalis, teshijshikulis, inteyeknemilis; yejemet chachalakat, 30 tatejtenewat, teuishijiat, taijilwiat, muweymatit, muweytenewat, tamatinimet ipal tay teyek wan inte kitakamatit ne intejteku; 31 yejemet ne te kimatit tatka wan ne te kichiwat ken sentaketztiwit; ne te kipiat tetasujtalis wan te kinekit kipalewiat ne sekit; 32 ká ne melka kimati tay ina ne Teut ka yek, wan ka ká kichiwa ijkiuni nemi pal miki, inte sema kichiwa, asunte hasta kinhita yek ne ijkiuni kichiwat.