Salmo 34:12-16

Ang Pulong Sa Dios

¹² Buot ba kamong makaangkon ug taas nga kinabuhi ug magmalipayon?
¹³ Likayi ninyo ang pagsulti ug daotan ug ang pagpamakak.
¹⁴ Likayi ninyo ang daotan ug buhata ang maayo.
Tinguhaa gayod ninyo ang pagkinabuhi nga malinawon uban sa inyong isigka-tawo.
¹⁵ Nagabantay ang Ginoo sa mga matarong, ug nagapamati sa ilang pagpakitabang.
¹⁶ Apan kasilagan niya ang mga nagahimo ug daotan.
Laglagon niya sila ug dili na sila mahinumdoman pa sa mga tawo sa kalibotan.