Font Size
Numba 1 From John 3
Hawai‘i Pidgin
Numba 1 From John 3
Hawai‘i Pidgin
Godʼs Kids
3 Tink bout da kine love an aloha da Fadda wen show us! He even wen call us his kids! An we his kids fo real kine, you know. Az why da peopo inside da world donno wat kine peopo us, cuz dey donno wat kine God. 2 My good friends, we Godʼs kids awready. God neva show us yet wat kine we goin be bumbye. But we know dat wen Christ come back, we goin be jalike him, cuz we goin see him jalike he stay. 3 Everybody dat know dat, an stay trus Christ, an wait fo him, dat guy make his own heart clean inside, jalike Christ stay clean inside.
4 Whoeva do bad kine stuff wen broke Godʼs Rules, cuz wen you do bad kine stuff, dat mean you no listen to Godʼs Rules. 5 You guys know dat Christ wen come fo throw out da bad kine stuff we wen do. Christ, he no do bad kine stuff, eva. 6 Whoeva stay tight wit Christ no stay do bad kine stuff. Whoeva stay do bad kine stuff, jalike dey neva see Christ o know him fo real kine.
7 My good friends, no let nobody bulai you guys. Whoeva stay do da right kine tings, dey stay right, jalike Christ stay right. 8 Whoeva stay do bad kine stuff, dey da Devilʼs kid, cuz from da first time da Devil stay do bad kine stuff. Dass why Godʼs Boy wen come, fo bus up da bad kine stuff da Devil stay doing.
9 Whoeva Godʼs kids no stay do bad kine stuff, cuz jalike God stay live inside dem now. Dey no stay do bad kine stuff, cuz dey come from God. 10 Dis how we can know who Godʼs kids an who da Devilʼs kids. Whoeva no do da right kine tings, not Godʼs kids. Whoeva no mo love an aloha fo dea brudda an sista, dey not Godʼs kids too.
Get Love An Aloha Fo Each Odda
11 Da ting you wen hear from da first time say dis: We gotta get love an aloha fo each odda. 12 Tink bout da story inside da Bible from befo time. No make like Cain. He wen stick wit da Bad Guy, da Devil, an kill his own brudda. How come he wen kill him? Cuz Cain wen do bad kine tings, an his brudda wen do da right kine tings.
13 My bruddas an sistas, wen da peopo inside dis world hate you guys, no let dat blow yoa mind. 14 Us guys not mahke inside no moa, but we wen come alive inside fo real kine. An how come we know dat? Cuz we get love an aloha fo our bruddas an sistas, az why. Whoeva no mo love an aloha, stay cut off from God, jalike dey stay mahke inside. 15 Whoeva hate dea brudda an sista, jalike dey one guy dat kill peopo. An you know dat one guy dat kill peopo no mo da real kine life dat stay to da max foeva. 16 Dis how we know wat real love stay like: cuz Christ wen give himself fo mahke fo us. So den, we gotta be ready fo do da same kine ting fo our bruddas an sistas. 17 If get somebody dat get plenny stuffs, an dey see dat dea brudda o sista no mo notting, but dey no mo pity fo dem, how dey can say dat dey get love an aloha fo God? No can. 18 My good friends, no can show love wit talk ony, but gotta show da kine love dass fo real, an do good kine tings fo everybody.
We No Need Come Scared In Front God
19 So, wen us guys get dat kine love an aloha, den we know dat we stick wit wass true. We tell our own heart dat everyting stay okay now, da way God see us. 20 But no matta inside our heart we tinking plenny bout da bad kine stuff we wen do, same time, we know dat God mo big den our heart, an he know everyting bout us guys. 21 My good friends, if our heart no tell us we wen do bad kine stuff, we know same time we no need be shame in front God. 22 An we get from God wateva we aks him fo do, cuz we do wat he tell us, an do wat he like. 23 Dis wat God wen tell us fo do: Trus his Boy Jesus Christ, da Spesho Guy God Wen Send, an get love an aloha fo each odda, jalike he wen tell us. 24 Everybody dat do wat God tell us, dey stay tight wit God, an God stay tight wit dem. Dis how we know dat God stay tight wit us, cuz God wen give us his Spirit.
1 John 3
New International Version
1 John 3
New International Version
3 See what great love(A) the Father has lavished on us, that we should be called children of God!(B) And that is what we are! The reason the world does not know us is that it did not know him.(C) 2 Dear friends,(D) now we are children of God,(E) and what we will be has not yet been made known. But we know that when Christ appears,[a](F) we shall be like him,(G) for we shall see him as he is.(H) 3 All who have this hope in him purify themselves,(I) just as he is pure.(J)
4 Everyone who sins breaks the law; in fact, sin is lawlessness.(K) 5 But you know that he appeared so that he might take away our sins.(L) And in him is no sin.(M) 6 No one who lives in him keeps on sinning.(N) No one who continues to sin has either seen him(O) or known him.(P)
7 Dear children,(Q) do not let anyone lead you astray.(R) The one who does what is right is righteous, just as he is righteous.(S) 8 The one who does what is sinful is of the devil,(T) because the devil has been sinning from the beginning. The reason the Son of God(U) appeared was to destroy the devil’s work.(V) 9 No one who is born of God(W) will continue to sin,(X) because God’s seed(Y) remains in them; they cannot go on sinning, because they have been born of God. 10 This is how we know who the children of God(Z) are and who the children of the devil(AA) are: Anyone who does not do what is right is not God’s child, nor is anyone who does not love(AB) their brother and sister.(AC)
More on Love and Hatred
11 For this is the message you heard(AD) from the beginning:(AE) We should love one another.(AF) 12 Do not be like Cain, who belonged to the evil one(AG) and murdered his brother.(AH) And why did he murder him? Because his own actions were evil and his brother’s were righteous.(AI) 13 Do not be surprised, my brothers and sisters,[b] if the world hates you.(AJ) 14 We know that we have passed from death to life,(AK) because we love each other. Anyone who does not love remains in death.(AL) 15 Anyone who hates a brother or sister(AM) is a murderer,(AN) and you know that no murderer has eternal life residing in him.(AO)
16 This is how we know what love is: Jesus Christ laid down his life for us.(AP) And we ought to lay down our lives for our brothers and sisters.(AQ) 17 If anyone has material possessions and sees a brother or sister in need but has no pity on them,(AR) how can the love of God be in that person?(AS) 18 Dear children,(AT) let us not love with words or speech but with actions and in truth.(AU)
19 This is how we know that we belong to the truth and how we set our hearts at rest in his presence: 20 If our hearts condemn us, we know that God is greater than our hearts, and he knows everything. 21 Dear friends,(AV) if our hearts do not condemn us, we have confidence before God(AW) 22 and receive from him anything we ask,(AX) because we keep his commands(AY) and do what pleases him.(AZ) 23 And this is his command: to believe(BA) in the name of his Son, Jesus Christ,(BB) and to love one another as he commanded us.(BC) 24 The one who keeps God’s commands(BD) lives in him,(BE) and he in them. And this is how we know that he lives in us: We know it by the Spirit he gave us.(BF)
Footnotes
- 1 John 3:2 Or when it is made known
- 1 John 3:13 The Greek word for brothers and sisters (adelphoi) refers here to believers, both men and women, as part of God’s family; also in verse 16.
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.