¹⁴ Datapuwa't sinabi ni Pedro, Hindi maaari, Panginoon; ^(A)sapagka't kailan ma'y hindi ako kumain ng anomang bagay na marumi at karumaldumal.

¹⁵ At muling dumating sa kaniya ang tinig sa ikalawa, ^(B)Ang nilinis ng Dios, ay huwag mong ipalagay na marumi.

¹⁶ At ito'y nangyaring makaitlo: at pagdaka'y binatak sa langit ang sisidlan.

¹⁷ Samantalang natitilihang totoo si Pedro sa kaniyang sarili, kung ano ang kahulugan ng pangitaing kaniyang nakita, narito, ang mga taong sinugo ni Cornelio, nang maipagtanong ang bahay ni Simon, ay nangagsitayo sa harapan ng pintuan.

¹⁸ At nangagsitawag at nangagtanong kung si Simon, na pinamagatang Pedro, ay nanunuluyan doon.

¹⁹ At samantalang iniisip ni Pedro ang tungkol sa pangitain, ay sinabi sa kaniya ng Espiritu, Narito, hinahanap ka ng ^(C)tatlong tao.

²⁰ Datapuwa't magtindig ka, at manaog ka, at sumama ka sa kanila, na huwag kang magalinlangan ng anoman: sapagka't sila'y aking sinugo.

²¹ At pinanaog ni Pedro ang mga tao, at sinabi, Narito, ako ang hinahanap ninyo: ano baga ang dahil ng inyong ipinarito?

²² At sinabi nila, Ang senturiong si Cornelio, na taong matuwid at matatakutin sa Dios, at may mabuting patotoo ng buong bansa ng mga Judio, ay pinagpaunawaan ng Dios sa pamamagitan ng isang banal na anghel na ikaw ay paparoonin sa kaniyang bahay, at upang makarinig sa iyo ng mga salita.

²³ Kaya't sila'y pinapasok at pinatuloy sila.

At nang kinabukasa'y nagbangon siya at umalis na kasama nila, ^(D)at siya'y sinamahan ng ilang kapatid na mula sa Joppe.

²⁴ At nang kinabukasa'y nagsipasok sila sa ^(E)Cesarea. At sila'y hinihintay ni Cornelio, na tinipon nito ang kaniyang kamaganakan at ang kaniyang mga kaibigang minamahal.

²⁵ At nangyari, na pagpasok ni Pedro, ay sinalubong siya ni Cornelio, at ^(F)nagpatirapa sa kanyang paanan, at siya'y sinamba.

²⁶ Datapuwa't itinindig siya ni Pedro, na sinasabi, Magtindig ka; ^(G)ako man ay tao rin.

²⁷ At sa pakikipagsalitaan niya sa kaniya, ay pumasok siya, at kaniyang naratnan ang ^(H)maraming nangagkakatipon:

²⁸ At sinabi niya sa kanila, Nalalaman ninyo na hindi matuwid sa isang taong Judio na ^(I)makisama lumapit sa isang taga ibang bansa; at gayon ma'y ipinakilala ^(J)sa akin ng Dios, na sinomang tao'y huwag kong tawaging marumi o karumaldumal:

²⁹ Dahil din dito'y naparito akong hindi tumutol ng anoman, nang ako'y ipasundo. Itinatanong ko nga kung sa anong kadahilanan ipinasundo ninyo ako.

³⁰ At sinabi ni Cornelio, ^(K)May apat nang araw, hanggang sa oras na ito, na aking ginaganap ang pananalangin sa oras na ^(L)ikasiyam sa bahay ko; at narito, tumindig sa harapan ko ang ^(M)isang lalake na may pananamit na nagniningning,

³¹ At sinabi, Cornelio, dininig ang dalangin mo, at ang iyong mga paglilimos ay inaalaala sa paningin ng Dios.

³² Magsugo ka nga sa Joppe, at ipatawag mo si Simon, na pinamagatang Pedro; siya'y nanunuluyan sa bahay ni Simong mangluluto ng balat, na nasa tabi ng dagat.

³³ Pagdaka nga'y nagsugo ako sa iyo; at mabuti ang ginawa mo't naparito ka. Ngayon nga'y kaming lahat ay nangaririto sa paningin ng Dios, upang dinggin ang lahat ng mga bagay na sa iyo'y ipinagutos ng Panginoon.

³⁴ At binuka ni Pedro ang kaniyang bibig, at sinabi,

Tunay ngang natatalastas ko na hindi nagtatangi ang Dios ng mga tao:

³⁵ Kundi ^(N)sa bawa't bansa siya na may takot sa kaniya, at gumagawa ng katuwiran, ay kalugodlugod sa kaniya.

³⁶ Ang salita na kaniyang ipinadala sa mga anak ni Israel, ^(O)na ipinangangaral ang evangelio ng kapayapaan sa pamamagitan ni Jesucristo ^(P)(siya'y Panginoon ng lahat)—

³⁷ Talastas ninyo ang salitang ito na nahayag sa buong Judea, ^(Q)magbuhat sa Galilea, pagkatapos ng bautismo na ipinangaral ni Juan;

³⁸ Sa makatuwid baga'y si ^(R)Jesus na taga Nazaret, kung paanong siya'y pinahiran ng Dios ng Espiritu Santo at ng kapangyarihan: na naglilibot na gumagawa ng mabuti, at nagpapagaling sa lahat ng mga pinahihirapan ng diablo; ^(S)sapagka't sumasa kaniya ang Dios.

³ Na nagsisipagsabi, ^(A)Nakisalamuha ka sa mga taong hindi tuli, at kumain kang kasalo nila.