Lik 18:15-17

Nouvo Testaman: Vèsyon Kreyòl Fasil

Jezi resevwa timoun yo

(Mat 19:13-15; Mak 10:13-16)

¹⁵ Moun yo te pote yon ekip timoun bay Jezi pou l te ka mete men sou tèt yo pou l beni yo. Men disip yo menm t ap di moun yo non. ¹⁶ Jezi menm rele timoun yo vin jwenn li epi li di disip li yo: “Kite timoun yo vin jwenn mwen. Pa anpeche yo, paske Wayòm Bondye a se pou moun ki tankou yo. ¹⁷ An verite, mwen di nou: Nenpòt moun ki pa aksepte Wayòm Bondye a tankou jan yon timoun aksepte tout bagay, li p ap ka antre ladan l.”