Lik 11:24-26

Nouvo Testaman: Vèsyon Kreyòl Fasil

Danje lè w rete vid

(Mat 12:43-45)

²⁴ Lè yon move lespri sòti sou yon moun, li vwayaje pati al nan zòn dezè pou l chache yon lòt kote pou l rete. Si l pa jwenn, li di tèt li: “M ap retounen nan ansyen kay mwen.” ²⁵ Men lè li l rive, li jwenn kay la byen bale, byen ranje. ²⁶ Lè sa a li pati al chache konkou sèt lòt move lespri ki pi mechan pase l. Yo antre sou moun nan. Lè konsa, moun nan vin pi mal pase jan l te ye anvan.