⁷ Minamasa ng magpapalayok ang malagkit na putik
at maingat na hinuhugisan upang gawing kasangkapan.
Mula sa iisang uri ng lupa,
gumagawa siya ng iba't ibang kasangkapan na ginagamit ng mga tao.
May ginagamit sa gawaing malinis at marangal,
at may ginagamit naman para sa maruruming bagay.
Tanging ang magpapalayok lamang ang nagpapasya,
kung alin-alin at kung saan-saan ito gagamitin.

¹³ Ang putik ay hinuhugisan ng magpapalayok
    ayon sa kanyang maibigan.
Gayundin naman, ang tao ay binibigyan ng Diyos ng kani-kaniyang kalagayan,
    ayon sa kanyang minamarapat.