Font Size
Fo Da Philippi Peopo 4
Hawai‘i Pidgin
Fo Da Philippi Peopo 4
Hawai‘i Pidgin
4 Eh, my bruddas an sistas. I get plenny love an aloha fo you guys, an I miss you guys. You guys make me feel real good inside! You guys make me feel jalike I wen win da race awready, an you guys my medal! So, jalike I wen tell you guys awready, stand strong an solid inside! You guys can do um cuz you guys stay tight wit da Boss.
How You Guys Suppose To Ack
2 Eh sistas, Euodia an Syntyke! You guys stay tight wit da Boss, yeah? So, I giving you guys good kine words, cuz I like you guys come togedda an tink da same kine. 3 An you, my good friend, you one fo real kine guy! Help dese wahines, okay? Befo time dey wen work real hard wit me fo help odda peopo hear da Good Kine Stuff From God. We all wen work togedda dat time, an Clement too, an da odda worka guys. All dem guys get dea name inside da Book Dat Tell Who Get Godʼs Kine Life.
4 Kay den. You guys stay tight wit da Boss. So, stay good inside everytime, no matta wat happen! I like say dis one mo time: Eh! Stay good inside lidat! 5 Make everybody know dat dey no need be scared wen dey talk to you guys, cuz you guys ack gentle wit everybody.
Ony litto bit time now, an da Boss goin come back. 6 Eh, no worry bout notting! Mo betta, everyting dat happen, pray bout um, an aks God fo do wateva you guys like him fo do. An same time, no foget tell him, “Mahalo plenny!” 7 Den, God goin make you guys hearts rest inside. Dat goin be mo betta den anybody can figga. God goin take care yoa hearts an yoa heads, cuz you guys stay tight wit his Spesho Guy Jesus Christ.
8 So den, tink bout all dese kine stuffs -- wateva stay true, wateva get respeck, wateva stay right, wateva no stay pilau, whoeva you get aloha fo, wateva you talk good bout, wateva da bestes kine, weneva peopo can say, “Dass good!” -- tink everytime bout all dat kine stuff. 9 Everyting you guys wen learn from me, everyting I wen give you guys, everyting you wen see an hear wen I was wit you guys -- go do um! Den, da God dat can make you guys hearts rest inside, he goin stay wit you guys.
Mahalo Plenny Fo Yoa Kokua
10 Befo time, you guys wen kokua me. Afta dat, you guys wen like kokua me, but neva have chance. But now, you guys wen start again fo tink how you guys can kokua me. I feel plenny good inside bout dat, cuz I stay tight wit da Boss. 11 I no say dis cuz I need someting. I wen learn dat I get nuff stuff awready. I stay good inside no matta wat happen. 12 I wen bottom out, an I wen get plenny. All dat stuff wen happen to me. I wen learn da secret, how fo handle anyting everytime. No matta I get plenny fo eat, o I hungry. No matta I get plenny odda kine stuffs, o I no moa. 13 I strong nuff fo handle any kine, cuz I stay tight wit Christ, an he give me da power fo do um.
14 But you know, was unreal wat you guys wen do, wen I wen get trouble, an you guys wen kokua me lidat. 15 You Philippi guys, you rememba, yeah? wat wen happen da first time, wen I wen tell you guys da Good Stuff From God. Afta dat, I wen go way from dea Macedonia side. From all da church guys all ova da place, you guys was da ony guys dat wen kokua me an send me money. 16 Even wen I wen stay Tessalonika side, an I need stuff, you guys wen send me money plenny times. 17 I not saying dis cuz I like you guys give me mo money, you know. I like you guys get someting fo wat you guys do, an even mo plenny. 18 Me, I get everyting I need, an mo plenny still yet. I get nuff, cuz a all da gifs you guys wen give Epafroditus fo give me. God like wat you guys wen do. Dass jalike da kine sacrifice dat smell real nice to him. 19 An you know wat? My God goin give you guys everyting you need, cuz you guys stay tight wit his Spesho Guy Jesus Christ. He get plenny rich stuffs, an goin be awesome how he give you guys plenny. 20 I like everybody tell: “God, he our Fadda. He awesome foeva! Dass right on!”
21 All da peopo ova dea dat stay spesho fo God cuz dey stay tight wit his Spesho Guy Jesus Christ, tell um “Aloha!” fo me. An all da bruddas an sistas ova hea by me, dey like tell you guys “Aloha!” 22 All Godʼs odda peopo ova hea, dey like tell you guys “Aloha!” too. Da Christian guys from King Cesarʼs palace, dey tell me, “You make shua you tell da Philippi guys ‘Aloha!’ ” 23 I like da Boss, Jesus Christ, do plenny good tings inside you guys.
Philippians 4
New International Version
Philippians 4
New International Version
Closing Appeal for Steadfastness and Unity
4 Therefore, my brothers and sisters, you whom I love and long for,(A) my joy and crown, stand firm(B) in the Lord in this way, dear friends!
2 I plead with Euodia and I plead with Syntyche to be of the same mind(C) in the Lord. 3 Yes, and I ask you, my true companion, help these women since they have contended at my side in the cause of the gospel, along with Clement and the rest of my co-workers,(D) whose names are in the book of life.(E)
Final Exhortations
4 Rejoice in the Lord always. I will say it again: Rejoice!(F) 5 Let your gentleness be evident to all. The Lord is near.(G) 6 Do not be anxious about anything,(H) but in every situation, by prayer and petition, with thanksgiving, present your requests to God.(I) 7 And the peace of God,(J) which transcends all understanding,(K) will guard your hearts and your minds in Christ Jesus.
8 Finally, brothers and sisters, whatever is true, whatever is noble, whatever is right, whatever is pure, whatever is lovely, whatever is admirable—if anything is excellent or praiseworthy—think about such things. 9 Whatever you have learned or received or heard from me, or seen in me—put it into practice.(L) And the God of peace(M) will be with you.
Thanks for Their Gifts
10 I rejoiced greatly in the Lord that at last you renewed your concern for me.(N) Indeed, you were concerned, but you had no opportunity to show it. 11 I am not saying this because I am in need, for I have learned to be content(O) whatever the circumstances. 12 I know what it is to be in need, and I know what it is to have plenty. I have learned the secret of being content in any and every situation, whether well fed or hungry,(P) whether living in plenty or in want.(Q) 13 I can do all this through him who gives me strength.(R)
14 Yet it was good of you to share(S) in my troubles. 15 Moreover, as you Philippians know, in the early days(T) of your acquaintance with the gospel, when I set out from Macedonia,(U) not one church shared with me in the matter of giving and receiving, except you only;(V) 16 for even when I was in Thessalonica,(W) you sent me aid more than once when I was in need.(X) 17 Not that I desire your gifts; what I desire is that more be credited to your account.(Y) 18 I have received full payment and have more than enough. I am amply supplied, now that I have received from Epaphroditus(Z) the gifts you sent. They are a fragrant(AA) offering, an acceptable sacrifice, pleasing to God. 19 And my God will meet all your needs(AB) according to the riches of his glory(AC) in Christ Jesus.
20 To our God and Father(AD) be glory for ever and ever. Amen.(AE)
Final Greetings
21 Greet all God’s people in Christ Jesus. The brothers and sisters who are with me(AF) send greetings. 22 All God’s people(AG) here send you greetings, especially those who belong to Caesar’s household.
23 The grace of the Lord Jesus Christ(AH) be with your spirit.(AI) Amen.[a]
Footnotes
- Philippians 4:23 Some manuscripts do not have Amen.
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.