Ebrayujmet 10

Ne Bibliaj Tik Nawat

10 Ne tajtuli kipia se iekawyu ipal ne yawit witzet tay yejyek, intesu ne itachialis ne tay muchiwas yajasan. Melka kalwikat sejsenpa intejtetakulis muchi ne shijshiwit, te keman weli kinkwepa yejyek ká ajsit, ² ika asu ijkiuni, anka inte kiajkawtuskiat kalwikat? Ne kichijtiwit uni tekitilis intea kipiaskiat tasenmatilis ipal ne tay kichijtiwit tay inteyek, kwak tamit mupupuat. ³ Inte ijkiuni ika kwak kichiwat kiane muchi ne shijshiwit kielnamikit tay kichijtiwit, ⁴ ika ne iesyu tujturuj wan cajcabraj inte weli techishtilia ne tay titateyekchijtiwit.

⁵ Neka kwak yaja kalaki tik ne taltikpak ina:

⁸ Né ikajku kan ina "inte tikelewij nian tikitak yek ma nalwika tejtetakulis wan ma niktati sejse ipanpa ne tay nitateyekchij", uni tay ne kalwika ne tajtuli; ⁹ kwakuni inak: "Nikan niwitz ma nikchiwa mutaelewilis!" Kishtia ne achtu pal kitalia ne seuk. ¹⁰ Tik uni taelewilis timuteuchijtiwit, ipanpa ne tetakulis ipal ne iweyka Yeshu Mawaltijtuk, seujti pal senpa.

¹¹ Wan muchi ne palejmet mutaliat kichiwat mujmusta sanse tekitilis, wan senpa wan uksenpa kalwikat tejtetakulis ne inte keman welit techishtiliat tay tikchijtiwit tay inteyek. ¹² Wan yajini inte: kwak yaja tamik kalwika se tetakulis ipanpa ne tay tikchijtiwit tay inteyek pal senpa, mutalij ka imayekkan ne Teut, ¹³ wan tejchia ka né hasta ma mutalikan ká ne kinekit kijtakuat ken se kuijpal ka itan ijikshi, ¹⁴ ika iwan sema se tetakulis kinyektijtuk pal senpa ne tayulmatit. ¹⁵ Ne Ijiutzin nusan techilwia kiane, ika kwak inatuk:

¹⁷ nusan ina:

¹⁸ Kan ne mutapupulwia muchi uni, intea muwika tetakulis ipanpa ne tay tikchijtiwit.

¹⁹ Kiane tel, nukniwan, welit tikalakit melaknaj ijtik ne teupan iwan ne iesyu Yeshu. ²⁰ Yaja kichijki se ujti yankwik wan yultuk tupal ijtik ne kwachtzakka, kineki ina, itech ne iweyka. ²¹ Nusan kipiat se wey palej ijpak ne ikal ne Teut. ²² Tiajsikan iwan tuyulu yekkaya; titayulmatikan sujsul; ma nemikan ne tuyujyulu shijshinijtuk pal te tikpiat se tasenmatilis inteyek, wan ne tujtuweyka pajpaktuk iwan at pupujtuk. ²³ Titajpiakan ne tayulmatilis ne senpa ipal tejchialis, ika tiwelit tikyulmatit ne ká kichijki ne promesaj, ²⁴ wan timukejketzakan sujsul ne se iwan ne seuk pal tikpiakan tetasujtalis wan pal tikchiwat tay yek. ²⁵ Ma inte tikajkawakan timusenputzuat, ken sejse kichiwat, asunte timupalewikan, wan keski mas kwak tikitat ka ne tunal unisan witz.

²⁶ Asu titateyekchiwat ika tiknekit kwak tikmattiwita ne tejkia, intea kanaj tetakulis ipal ne tay tikchijtiwit, ²⁷ sema ma timajmawikan wan ma tikchiakan tujuicioj, wan ne techtenewat yawit kwalanit tuwan ken ne tit. ²⁸ Asu aka inte kinekik kichiwa tay ina ne itajtuli Moshe, asu ume, yey tukniwan inat ijkiuni, yaja miki katka wan inte aka kieknelia. ²⁹ Shikishkejketzakan keski mas kichiwilisket se ká taksatuk ijpak ne itelpuch ne Teut, wan kisusulwijtuk ne esti ipal ne sentaketzat ne iwan muteuchij, wan kikwalantijtuk ne iijiu ne tetasujtalis! ³⁰ Tikmatit ká inatuk:

Wan nusan:

³¹ Ken tamujmutia ma tiwetzikan tik ijimey ne Teut yultuk!

³² Shikelnamikikan ne tujtunal pal ikman: tamik anmutawilujket wan ankiselijket se wey muishnamikilis ipal tajtaekulis: ³³ anmutalijket tik itachialis muchi iwan mujmutajtawelilis wan tajtapitzinilis, wan nusan anmusentepejket iwan sejseuk ne mukweptuyat ijkiuni. ³⁴ Ika ankimatket ken mumatit ne ijilpituk, wan ankikwijket iwan pakilis ma metzinhichtekilikan anmupalwan, ika ankimatit yek ka ankipiat se tay mas yek wan naka senpa. ³⁵ Yajika maka shikutamimakan ne anmutejchialis; uni kipias wey ipatiw, ³⁶ ika anmunekit tejchiat iwan nejmachnemilis pal kiane, kwak ankichijtiwit ne itaelewilis ne Teut, anyawit kikwit ne promesaj. ³⁷ Ika kinekiuk se chiupichin wan ne ká witz yawi witz wan te ishtunas. ³⁸ Ne nuyulmelawak yawi yultuk ika tayulmati, wan asu mukawa ka ipan inte nikitas yek tik nuyulu. ³⁹ Tejemet inte sejse ká mukawat ka tuipan wan tipuliwit, asunte sejse ká kipiat tayulmatilis hasta ma tikpiakan tamakishtilis.