1 Mga Hari 7:23-26

Ang Biblia (1978)

Ang binubuong dagatdagatan, patungang tanso, at hugasang tanso.

²³ At kaniyang ginawa ang binubong ^(A)dagatdagatan na may sangpung siko mula sa labi't labi, na lubos na mabilog, at ang taas ay limang siko: at isang panukat na pisi na may tatlong pung siko ang maipalilibid sa palibot.

²⁴ At sa ilalim ng labi sa paligid ay may ^(B)mga kulukuti sa palibot, na sangpu sa bawa't siko, na nakalibid sa dagatdagatan sa palibot: ang mga kulukuti ay dalawang hanay, ^(C)na binubo ng bubuin ang binubong dagatdagatan.

²⁵ Nakapatong ang dagatdagatan sa labing ^(D)dalawang baka, ang tatlo'y nakaharap sa dakong hilagaan, ang tatlo'y nakaharap sa dakong kalunuran, ang tatlo'y nakaharap sa dakong timugan, at ang tatlo'y nakaharap sa dakong silanganan; at ang dagatdagatan ay napapatong sa mga yaon, at ang lahat na puwitan ng mga yaon ay nasa loob.

²⁶ At ang kapal ng dagatdagatan ay isang dangkal; at ang labi niyaon ay yaring gaya ng labi ng isang tasa, gaya ng bulaklak na lila: naglalaman ng ^(E)dalawang libong bath.