ગીતશાસ્ત્ર 54

Gujarati: પવિત્ર બાઈબલ

નિર્દેશક માટે. વાજીંત્ર સાથે ગાવા માટે દાઉદનું માસ્કીલ. જ્યારે ઝીફીઓએ આવીને શાઉલને કહ્યું કે, “દાઉદ અમારી વચ્ચે સંતાઇ રહ્યો છે.” ત્યારનું ગીત.

¹હે યહોવા દેવ, તમારા નામે મને બચાવો;
    અને તમારા પરાક્રમથી મારો ન્યાય કરો.
²હે દેવ, મારી પ્રાર્થના સાંભળો;
    મારા મોઢાંની વાતો કાને ઘરો.
³વિદેશનાં માણસો મારી વિરુદ્ધ થયા છે, તેઓ અતિ ક્રૂર છે,
    મારો જીવ લેવા ઇચ્છે છે. “દેવ છે” એ હકીકતની તેમને દરકાર નથી.

⁴યહોવા દેવ, મને સહાય કરનાર છો,
મારા જીવનનો એજ આધાર છે.
⁵યહોવા મારા શત્રુઓને દુષ્ટતાનો બદલો આપશે,
હે દેવ, તમારા સત્ય વચનો પ્રમાણે દુષ્ટોનો અંત લાવો.

⁶હું તમારી પાસે, રાજીખુશીથી મારા અર્પણો લાવું છું;
હે યહોવા, હું તમારા શુભ નામની સ્તુતિ કરીશ.
⁷દેવે મારી, સર્વકાળે સર્વ સંકટમાં રક્ષા કરી છે;
મારા શત્રુઓ પર વિજય અપાવ્યો, તે મેં નજરે નિહાળ્યું છે.

Gujarati: પવિત્ર બાઈબલ (GERV)

ગીતશાસ્ત્ર 54 Gujarati: પવિત્ર બાઈબલ

ગીતશાસ્ત્ર 54

Gujarati: પવિત્ર બાઈબલ