होशे 11

Nepali Bible: Easy-to-Read Version

11 परमप्रभुले भन्नुभयो, “जब इस्राएल बालक थियो मैले त्यसलाई प्रेम गरें।
    तब मैले आफ्नो छोरालाई मिश्रदेशबाट बोलाएँ।
² तर जति-जति मैले इस्राएलीहरूलाई बोलाएँ,
    त्यति-त्यति तिनीहरू मबाट टाढा भए।
तिनीहरूले बाल देवताहरूलाई बलि चढाँइरहे।
    उनीहरूले मूर्तिको अगाडी धूप जलाए।

⁸ “हे एप्रैम म तिमीलाई कसरी छोडिदिऊँ?
    ए इस्राएल म तिम्रो रक्षा गर्न चाहन्छु।
म तिमीलाई कसरी अदमा जस्तै तुल्याऊँ!
    म चाहँदिन कि तिमीलाई सबोयीम जस्तै बनाऊँ।
म आफ्नो मन बद्ली रहेछु,
    तिमीप्रति दयाले मन पग्लिरहेछ।
⁹ म मेरो प्रचण्ड रिसलाई जित्न दिनेछैन्।
    म फेरि एप्रैमलाई नष्ट पार्नेछैन।
म त परमेश्वर हुँ, म कुनै मानिस होइन।
    म तिनीहरू माझ एक पवित्र छु।
म तिमीहरूसँगै छु।
    म आफ्नो रिस देखाउँनेछैन।
¹⁰ म सिंह जस्तै गर्जने छु, म गर्जन्छु
    अनि मेरा सन्तान मसँग आउने छन्,
र मेरो पछि-पछि हिँड्नेछन्।
    मेरा सन्तानहरू डरले थर-थर काम्दै पश्चिमबाट आउनेछन्।
¹¹ तिनीहरू चरा जस्तै वेगसित
    मिश्र देशबाट आउनेछन्।
तिनीहरू अश्शूरको भूमिबाट ढुकुर जस्तै आउनेछन्
    अनि म तिनीहरूलाई घरमा पठाउनेछु।”
    परमप्रभुले यो भन्नु भयो।
¹² “एप्रैमले मलाई झूटो देवताहरूले छोपेकोछ।
    इस्राएलका मानिसहरूले मेरो विरोधमा षड्‌यन्त्र रचे।
तर यहूदा अहिले सम्म परमेश्वरसँग छ।
    यहूदा पवित्र र साँच्चो छ।”