हितोपदेश 31

Nepali Bible: Easy-to-Read Version

¹⁰ असल पत्नी पाउनँ अतिनै गाह्रो हुन्छ किनभने एउटी आदर्श पत्नी,
    बहूमुल्य रत्नहरू भन्दा पनि मूल्यवान हुन्छे।
¹¹ तिनको पतिले तिनी माथि पूरा भरोसा राख्छ,
    अनि कहिल्यै गरीब हुनु पर्दैन।
¹² आदर्श पत्निले आफ्नो पति सित असल व्यवहार गर्छिन्,
    अनि जीवन भरी आफ्नो पतिको निम्ति विपत्ति ल्याउँदिनन्।
¹³ तिनी सधैँ ऊनी को लुगा,
    तथा सूतीको लुगा बनाउनमा व्यस्त रहन्छिन्।
¹⁴ तिनी टाडा देशबाट आउने समुद्री जहाजले जस्तै,
    कहींबाट पनि भोजन लिएर घर आउँछिन्।
¹⁵ तिनी बिहानै उठी भोजन पकाउँछिन्,
    अनि आफ्नो परिवार र नोकर्नीहरूलाई बाँड्छिन्।
¹⁶ तिनी जमीन निरीक्षण गर्छिन् अनि उचित मूल्यमा किन्छिन्
    आफूले कमाएको पैसाबाट दाख रोप्छिन्।
¹⁷ तिनी अत्यन्तै परिश्रमी छिन्,
    अनि सबै प्रकारको काम गर्नलाई सक्षम हुन्छिन्।
¹⁸ आफैंले बनाएका र उब्जाएका चीजहरूको व्यपार गर्छिन, र नाफा कमाउँछिन्
    अनि तिनी रातीसम्मा कडा परिश्रम गर्छिन्।
¹⁹ तिनीले आफैं धागो कात्छिन
    अनि आफ्नो घरको लागि लुगा बनाउँछिन्।
²⁰ गरीबलाई सधैँ दान दिन्छिन्
    अनि दीन-हीन मानिसहरूको खाँचो पूरा गर्छिन्।
²¹ हिऊँ पर्दा पनि आफ्नो परिवारको निम्ति चिन्ता गर्दिनन्।
    तिनले परिवारका सबैलाई तातो अनि असल लुगाहरू दिएकी छिन्।
²² तिनले च्यादर बुन्छिन् र ओछ्यानमा फिँजाउँछिन्,
    अनि आफूले सुन्दर नरम सुतीको लुगाहरू पहिरिन्छिन्।
²³ उनका पतिलाई सबैले आदर गर्छन्
    किनभने तिनी त्यस ठाउँका नेताहरूमा एक हुन्।
²⁴ तिनी कुशल व्यापारिनी हुन्, तिनी लुगा तथा पटुकाहरू बनाउछिन्,
    र व्यापारीहरूलाई बेच्छिन्।
²⁵ तिनी बलीयी अनि मर्यादित छिन्,
    तिनले भविष्यलाई हेरेर ढुक्क भएर हाँस्न सक्छिन्।
²⁶ तिनको बोलीमा ज्ञान छ,
    र तिनले मानिसहरूलाई मायालु तथा दयालु बन्न सिकाउँछिन्।
²⁷ तिनले आफ्नो परिवारको कामको हेरविचार गर्छिन्।
    तिनले कहिले अल्छी गर्दिनन्।
²⁸ तिनलाई आफ्नै बाल बच्चाले प्रशंसा गर्छन्,
    तिनको पतिले तिनी माथि गर्व गर्छन् र भन्छन्,
²⁹ “संसारमा धेरै असल स्त्रीहरू छन्
    तर ती मध्ये तिमी नै सर्व-श्रेष्ठ हौ।”
³⁰ आकर्षण र सौन्दर्य क्षणिक वस्तुहरू मात्र हुन्,
    तर जो स्त्रीले परमप्रभुको डर मान्छे उसको प्रशंसा गर्नु पर्छ।
³¹ तिनको योग्यताले पाउने इनाम तिनले पाउनु पर्छ
    अनि तिनले गरेको प्रशंसनीय कार्यहरूका निम्ति तिनी समाजमा प्रशंसित हुनै पर्छ।