स्तोत्रसंहिता 7

Marathi Bible: Easy-to-Read Version

³ परमेश्वर देवा मी काहीही चूक केलेली नाही.
    मी चूक केली नसल्याबद्दल खात्रीपूर्वक सांगतो.
⁴ मी माझ्या मित्रांशी दुष्टावा केला नाही
    आणि मी मित्रांच्या शत्रूंना मदतही केली नाही.
⁵ जर हे खरे नसेल तर मला शिक्षा कर.
    शत्रू माझा पाठलाग करो, मला पकडो व मला मारो.
    त्याला माझे जीवन जमिनीत तुडवूदे आणिमाझा जीव मातीत ढकलू दे.

⁶ परमेश्वरा ऊठ, आणि तुझा क्रोध दाखव माझा शत्रू रागावलेला आहे
    म्हणून तू त्याच्या पुढे उभा राहा आणि त्याच्या विरुध्द् लढ.
    परमेश्वरा ऊठ आणि न्यायाची मागणी कर.
⁷ परमेश्वरा लोकांचा निवाडा कर.
    सगळे देश तुझ्याभोवती गोळा कर आणि लोकांचा निवाडा कर.
⁸ परमेश्वरा, माझा निवाडा कर.
    मी बरोबर आहे हे
    सिध्द् कर मी निरपराध आहे हे सिध्द् कर.
⁹ वाईटांना शिक्षा कर आणि चांगल्यांना मदत कर.
    देवा तू चांगला आहेस आणि तू लोकांच्या ह्रदयात डोकावून बघू शकतोस.

¹⁰ ज्याचे ह्रदय सच्चे आहे अशांना देव मदत करतो
    म्हणून तो माझे रक्षण करेल.
¹¹ देव चांगला न्यायाधीश आहे
    आणि तो त्याचा क्रोध केव्हाही व्यक्त करु शकतो.
^12-13 देवाने एकदा निर्णय घेतल्यानंतर
    तो त्याचे मन बदलत नाही.
देवाकडे लोकांना शिक्षा करायची शक्ती आहे. ^[a]

¹⁴ काही लोक सतत वाईट गोष्टी करण्याच्या योजना आखत असतात.
    ते गुप्त योजना आखतात आणि खोटे बोलतात.
¹⁵ ते दुसऱ्यांना जाळ्यात पकडतात आणि त्यांना इजा करतात.
    परंतु ते स्वत:च्याच जाळ्यात अडकतील आणि त्याना कुठली तरी इजा होईल.
¹⁶ त्यांना योग्य अशी शिक्षा मिळेल.
    ते इतरांशी फार निर्दयपणे वागले.
    त्यांनाही योग्य अशीच शिक्षा मिळेल.

¹⁷ मी परमेश्वराची स्तुती करतो, कारण तो चांगला आहे
    मी त्या सर्वशक्तिमान परमेश्वराच्या नावाची स्तुती करतो.