व्यवस्था विवरण 33

Awadhi Bible: Easy-to-Read Version

“यहोवा सिनाइ स आवा।
    यहोवा सेईर क भिन्सारे क रोसनी क नाई चमका।
    उ पारान पहाड़े स फूटइ वाला प्रकास क नाई रहा।
यहोवा दस हजार पवित्तर लोगन क संग आवा।
    ओकरी दाहिन कइँती बलवान सिपाही रहेन।
³ हाँ, यहोवा पिरेम करत ह मनइयन स
    सबहिं पवित्तर मनइयन ओकरे हथवन मँ अहइँ अउर चलत हीं
उ ओकरे पद चीन्हन पइ हर एक मनई अंगीकार करता ओकर उपदेस।
⁴ मूसा दिहस नेमन हम पचन्क उ सबइ-जउन अहइँ
    याकूब क सबहिं लोगन क।
⁵ उहइ समइया, इस्राएल क लोग अउ नेता लोग मिलेन
    अउ यहोवा भवा यसूरुन क राजा।

⁶ “रूबेन जिअत रहइ, उ न मरइ होइ सकत ह रूबेन जिअत रहा उ न मरइ,
    मुला ओकर बंस मँ मनइयन अधिक न होब।”

“यहोवा, सुन लेइ यहूदा क प्रमुख क जब उ माँगइ मदद लिआवइ ओका
    आपन लोगन मँ सक्तीसाली बनावइ ओका,
करइ मदद ओकर
    दुस्मन क हरावइ मँ!”

“तोहार मनवइयन सच्चा लेवी धारण करत ऊरीम-तुम्मीम,
    मस्सा पइ तू लेवी क परीच्छा लिहा,
तोहार विसेख मनई राखत रहा ओनका।
    लड़ा तू रह्या ओकरे बरे मरीबा क जलासयन पइ।
⁹ लेवी बताएस आपन महतारी-बाप क बारे मँ:
    मइँ न करब ओनकइ परवाइ,
मानेस नाहीं उ आपन भाई क,
    या जानेस आपन गदेलन क;
लेवीबंसियन पालेन आदेस तोहार,
    अउर निभाएन वाचा तोहसे जउन।
¹⁰     उ पचे सिखइहीं याकूब क नेम तोहार
अउर इस्राएल क व्यवस्था जउन तोहार।
    उ पचे सुलगइहीं सुगन्धि तोहार आगे अउ तोहार सारी होमबलि वेदी क जगह पइ।

“यहोवा क पिआरा ओकरे संग
    सुरच्छित होइ।
यहोवा आपन पिआरा क रच्छा करत सारा दिन,
    अउर बिन्यामीन क भुइँया पइ रहत यहोवा।”

“यहोवा द्या आसीर्बाद ओकरे देस क सरग क
    उन्तिम बर्खा जहाँ होइँ;
    अउ धरती क तले स पानी अउ ओस मिलइ।
¹⁴ सूरज क दीन्ह उत्तिम फल होइँ ओकर
    अउर हर महीना मँ सब स बढ़िया फल होइँ।
¹⁵ पहाड़ियन अउ पुरान पहाड़न
    सब स बढ़िया फल उपजावइँ।
¹⁶ धरती देइ सब स बढ़िया फल यूसुफ बरे
    उ जउन भाइयन स अलगाइ दीन्ह ग रहा।
तउ परमेस्सर जउन बरत भइ झाड़ी मँ रहत ह
    स सब स बढ़िया बरदान देइ यूसुफ क।
¹⁷ यूसुफ आपन गोरु क पहिला पइदा भवा क गौरव पाइ।
    ओकर दुइनउँ बेटवन बर्धा क सींगे क तरह अहइँ।
उ पचे रास्ट्रन क धरती क आखिरी छोर तलक छेद देब।
    ओन मँ स हजारन क हजार मनस्सप स अहइ
अउर ओन मँ स दसन हजार एप्रैम स ह।”

“जबूलून, खुस रहा जा जब बाहेर
    अउर इस्साकार, खुस रहइ आपन सिबिर पइ।
¹⁹ उ पचे लोगन क न्यौतिहीं आपन पहाड़े पइ
    हुआँ करिहीं भेंट सबहिं सच्ची बलि
काहेकि उ पचे लोग सागर स निकारत हीं धन
    अउर पइहीं बालू मँ छिपा भवा जउन धन अहइ।”

“स्तुति करा परमेस्सर क जउन गाद क बढ़ावत ह।
    गाद ओलरा रहत अउ जोहत सिंह क नाई,
    उ फड़ि देत ह बाजु अउ मूँड़े क टूकन मँ।
²¹ आपन खातिर चुनत ह उ,
    सब स खास हींसा राजा बरे सुरच्छित रहब।
मनइयन क नेतन आवत हीं ओकरे लगे।
    उ करत ह उहइ जउन परमेस्सर क इच्छा बा।
    अउर यहोवा बरे इस्राएलियन क संग निआव करत ह।”

“दान सेरे क बच्चा अहइ
    जउन बासान स उछरा करत ह।”

“नप्ताली, तू बहोतइ बढ़िया चीजन क रखब्या।
    यहोवा क आसीर्बाद तोहरे बारे भरपूर अहइ,
    लइ ल्या पच्छिम अउ दक्खिन क प्रदेस।”

“आसेर क पूतन मँ सब स जियादा अहइ आसीर्बाद,
    ओका आपन भाई लोगन मँ सब स पियारा होइ द्या
    अउ ओका आपन गोड़ तेल स धोवइ द्या।
²⁵ तोहरे फाटकन क ताला होइहीं लोहा अउ काँसा क
    तू जिन्नगी भइ सक्ती स भरपूर रहब्या।”

²⁶ “यसूरुन, परमेस्सर क नाई नाहीं अहइ
    अउर कउनो परमेस्सर आपन महिमा मँ चलत ह चढ़िके बदरा पइ,
    अकासे स होइके आवत ह मदद करइ तू पचन्क।
²⁷ परमेस्सर सास्वत अहइ तोहार सरण सुरच्छित अहइ।
    परमेस्सर क सक्ती सास्वत अहइ उ तोहार सुरच्छा करत ह
अउर बल स हटावत ह दुस्मनन क,
    कहत ह उ ‘नास करा दुस्मनन क।’
²⁸ तउ इस्राएल सुरच्छित रही सदा
    याकूब क जलस्रोत सुरच्छित अहइ धरती मँ।
अन्न अउ नइ दाखरस क पइहीं सुन्नर धरती मँ
    अउ उ भुइँया सूबइ पाइ।
²⁹ इस्राएलियो, तू पचे आसीस पाए अहा तोहार जइसा कउनो रास्ट्र नाहीं।
    तू यहोवा क दुआरा सुरच्छा पाउब्या।
उ तोहार सुरच्छा ढाल अहइ।
    यहोवा अहइ विजय तरवार तोहार करइ वाली।
तोहार दुस्मनन तोहसे डेरइहीं,
    अउर तू रउँद देब्या ओनकइ लबार देवतन क ठउरन क।”