यहेज्केल 28

Marathi Bible: Easy-to-Read Version

“‘तू फार गर्विष्ठ आहेस.
    तू म्हणतोस “मी देव आहे.
समुद्राच्या मध्यभागी मी
    देवाच्या आसनावर बसतो.”

“‘पण तू मानव आहेस, देव नाही.
    तुला आपण देव आहोत असे फक्त वाटते.
³ तू स्वतःला दानीएलापेक्षा बुद्धिमान समजतोस
    तू सर्व रहस्ये शोधू शकतोस असे तुला वाटते.
⁴ तू तुझ्या शहाणपणाने व अकलेने स्वतःसाठी
    संपत्ती गोळा केली आहेस.
तुझ्या खाजिन्यांत तू चांदी-सोने ठेवले आहेस.
⁵ तुझ्या शहाणपणाने आणि व्यापारामुळे
    तुझी संपत्ती वाढली
आणि आता तुला त्यांचाच गर्व झाला आहे.

⁶ “‘म्हणून परमेश्वर, माझा प्रभू, पुढील गोष्टी सांगतो:
सोर, तू स्वतःला देवासारखी मसजतेस!
⁷ मी परक्यांना तुझ्याविरुद्ध लढण्यासाठी आणीन.
    ते राष्ट्रांमध्ये सर्वांत भयंकर आहेत.
ते तलवारी उपसतील आणि
    तुझ्या शहाणपणाने मिळविलेल्या सर्व सुंदर गोष्टींचा नाश करतील.
    तुझे वैभव ते लयाला घालवितील.
⁸ ते तुला थडग्यात पोहोचवतील समुद्रात
    मेलेल्या नावाड्याप्रमाणे तुझी स्थिती होईल.
⁹ माणूस तुला ठार मारेल.
    तरी तू त्याला “मी देव आहे.”
असे म्हणशील का? नाही तो तुला ताब्यात घेईल.
    मग तुला समजेल की तू मानव आहेस, देव नव्हे!
¹⁰ परका तुला परदेशीयांसारखे ^[a] वागवेल आणि ठार करील.
    माझ्या आज्ञेमुळे ह्या गोष्टी घडतील.’”
परमेश्वर, माझा प्रभू, असे म्हणाला.

“‘तू एक आदर्श माणूस होतास.
    तू ज्ञानी होतास.
    तू अतिशय देखणा होतास.
¹³ तू एदेनमध्ये राहात होतास.
एदेन हा देवाचा बाग आहे.
    तुझ्याजवळ माणके, पुष्कराज,
    हिरे, लसणा, गोमेद, सूर्यंकांत मणी,
    नीलमणी, वैदूर्य पाच अशी सर्व प्रकारची मोल्यवान रत्ने होती,
आणि ती सर्व सोन्याच्या कोंदणात बसविलेली होती.
    ज्या दिवशी तुला निर्माण केले त्याच दिवशी तुला हे सौदंर्य देण्यात आले.
    देवाने तुला सामर्थ्यशाली केले.
¹⁴ तू एक अभिषिक्त करुब होतास
    तुझे पंख माझ्या सिंहासनावर पसरत.
मी तुला देवाच्या पवित्र पर्वतावर ठेवी.
    तू रत्नांतून हिंडत होतास आणि अग्नीप्रमाणे तळपत होतास.
¹⁵ मी तुला निर्मिले, तेव्हा तू सज्जन व प्रामाणिक होतास.
    पण नंतर तू दुष्ट झालास.
¹⁶ तुझ्या व्यापाराने तुला खूप संपत्ती मिळवून दिली खरी,
    पण त्याने तुझ्यात क्रूरपणा निर्माण झाला, आणि तू पाप केलेस.
म्हणून मी तुला एखाद्या घाणेरड्या गोष्टीसारखी वागणूक दिली.
    मी तुला देवाच्या पर्वतावरुन फेकून दिले.
तू एक खास अभिषिक्त करुब देवदूत होतास,
    तुझे पंख माझ्या सिंहासनावर पसरत होते,
पण मी तुला, अग्नीप्रमाणे तेजस्वी असलेल्या
    रत्नांपासून, सक्तीने दूर केले.
¹⁷ तुझ्या सौंदर्यांने तुला गर्विष्ठ बनविले.
    तुझ्या वैभवाने तुझ्या ज्ञानाचा नाश केला.
म्हणून मी तुला खाली जमिनीवर लोटले.
    आता इतर राजे तुझ्याकडे डोळे विस्फारुन पाहतात.
¹⁸ तू खूप चुका केल्यास
तू कपटी व्यापारी झालास आणि अशा तऱ्हेने,
    तू पवित्र स्थान अपवित्र केलेस.
म्हणून मी तुझ्यातील आगीनेच
    तुला जाळीन.
जमिनीवर तू राख होऊन पडशील.
    आता सर्वजण तुझी लाजिरवाणी स्थिती पाहू शकतात.

¹⁹ “‘तुझी अशी स्थिती पाहून
    इतर राष्ट्रांतील लोकांना धक्का बसला.
तुझ्या बाबतीत जे घडले, ते पाहून लोक भयभीत होतील.
    तुझा शेवट झाला!’”

“‘सीदोन, मी तुझ्याविरुद्ध आहे!
    तुझे लोक माझा मान राखायला शिकतील.
मी सिदोनला शिक्षा करीन.
    मग लोकांना कळेल की मीच परमेश्वर आहे, मी पवित्र आहे.
व ते त्याप्रमाणे माझ्याशी आचरण करतील.
²³ मी सीदोनला रोगराई व मृत्यू पाठवीन.
    शहराबाहेरील तलवार (शत्रूसैनिक) तो मृत्यू आणील.
मगच त्यांना कळून चुकेल की मी परमेश्वर आहे.’