मीखा 4

Marathi Bible: Easy-to-Read Version

4 शेवटल्या दिवसांत, देवाचे मंदिर ज्या पर्वतावर आहे, तो पर्वत सर्व पर्वतांत उंच असेल.
    टेकड्यांपेक्षा तो उंच होईल.
आणि तिथे जाणाऱ्या लोकांचा प्रवाह सतत वाहत राहील.
² तेथे पुष्कळ देशातले लोक जातील.
    ते म्हणतील, “या! आपण परमेश्वराच्या पर्वतावर जाऊ या.
    याकोबच्या देवाच्या मंदिरात आपण जाऊ या.
मग परमेश्वर आपल्याला त्याचा आचारधर्म शिकवील
    व आपण त्याचे अनुसरण करु.”

⁶ परमेश्वर म्हणतो,
“यरुशलेमला दुखापत झाली व ती लंगडी झाली.
    ती दूर फेकली गेली
तिला दुखविले गेले व शिक्षा झाली.
    पण मी तिला माझ्याकडे परत आणीन.

⁹ आता, तू एवढ्या मोठ्याने का रडत आहेस?
    तुझा राजा गेला का?
तुझ्या नेत्याला तू गमावलेस का?
    प्रसूतिवेदना होणाऱ्या स्त्रीप्रमाणे तुला त्रास होत आहे.
¹⁰ सियोनच्या कन्ये, तुला वेदना जाणवू दे.
    तू आपल्या बाळाला जन्म दे.
तुला या नगरीतून (यरुशलेममधून) बाहेर गेलेच पाहिजे.
    तू रानात राहशील.
मला असे म्हणायचे आहे की तू बाबेलला जाशील.
    पण त्या ठिकाणापासून तुझे रक्षण केले जाईल.
परमेश्वर तेथे जाऊन तुझी सुटका करील.
    तो, तुला, तुझ्या शत्रूंपासून दूर नेईल.

¹¹ पुष्कळ राष्ट्रे तुझ्याविरुध्द लढण्यास आली आहेत.
    ती म्हणतात, “ती पाहा सियोन!
    या, आपण तिच्यावर हल्ला करु या.”

¹³ “सियोनच्या कन्ये, ऊठ आणि त्या लोकांना चिरडून टाक.
    मी तुला खूप सामर्थ्यवान करीन.
तुला जणू काही लोखंडाची शिंगे व कास्याचे खूर असतील.
    तू पुष्कळांवर आघात करुन त्यांचे तुकडे तुकडे करशील.
तू त्यांची संपत्ती परमेश्वराला देशील.
    तू त्याचे धन जगाच्या परमेश्वराला देशील.”