मीका 2

Awadhi Bible: Easy-to-Read Version

2 ओन लोगन क बुरा होइ, जउन पाप स भरी योजना क बनावत हीं।
    अइसे लोग बिछउना मँ सोवत भए सड्यंत्र रचत हीं
अउर पौ फाटत ही आपन सड्यंत्रन पइ चलइ लागत हीं।
    काहेकि ओनके लगे ओनका पूरा करइ क सक्ति अहइ।
² ओनका खेत चाही तउ उ पचे ओन सबन्क लइ लेत हीं।
    ओनका घर चाही तउ उ पचे ओन सबन्क लइ लेत हीं।
उ पचे कउनो मनई क छलत हीं अउ ओकर घर छोरि लेत हीं।
    उ पचे कउनो मनई क छलत हीं अउ ओसे ओकर चिजियन छोरि लेत हीं।

³ इहइ कारण अहइ कि यहोवा इ बातन क कहत ह:
“देखा, मइँ इ परिवारे पइ बिपदन ढावइ क योजना रचत हउँ।
    तू पचे आपन सुरच्छा नाहीं कइ पउब्या।
तू पचे घमण्ड स चलि छोड़ देब्या।
    काहेकि उ एक बुरा समइ होइ।
⁴ उहइ समइ लोग तू पचन्क हँसी उड़इहीं।
    तू तोहार बारे मँ लोग करुणा क गीत गइहीं अउर उ पचे कइहीं:
‘हम पचे बर्बाद होइ गए।
    यहोवा मोरे लोगन्क धरती छोरि लिहस ह अउर ओका दूसर लोगन्क दइ दिहस ह।
हाँ उ मोर धरती क मोसे छोरि लिहस ह।
    यहोवा हमार धरती हमरे दुस्मनन क बीच बाँटि दिहस ह।
⁵ यहोवा क परिसद मँ कउनो मनई अइसा नाहीं होइ
    जउन भुइँया क बाँटइ बरे पासा फेंकिहीं।’”

⁶ लोग कहा करत हीं, “तू हम पचन्क उपदेस जिन द्या।
    ओनका अइसे नाहीं कहइ चाही,
हम पइ कउनो भी बात बुरी नाहीं परी।”

¹² हे याकूब क लोगो, मइँ तू सबन्क बटोरब।
    मइँ निहिचइ ही तू सबन क एक जगह बटोरब।
मइँ इस्राएल क बचे भए लोगन क बटोरब।
    मइँ ओनका वइसा बटोरब
जइसे बाड़ा मँ भेड़िन बटोरी जात हीं।
    तउ उ पचे एक बड़ा भीड़ स जियादा हल्ला-गुल्ला करिहीं।
¹³ तब कउनो एक जउन रास्ता खोलत ह लोगन क समन्वा जाइ।
    उ दुआरन तोड़ब अउर इ सबइ लोगन क नेतृत्व करब।
उ सबइ लोग अजाद होइके उ सहर क तजिके निकरिहीं।
    ओनके समन्वा ओनकर राजा चली।
    लोगन्क समन्वा ओनकर यहोवा होइ।