भजन संहिता 101

Awadhi Bible: Easy-to-Read Version

¹ मइँ पिरेम अउ खरेपन क गीत गाउब।
    यहोवा मइँ तोहरे बरे गाउब।
² मइँ पूरी सावधानी स सुद्ध जिन्नगी बिताउब।
    मइँ आपन घर मँ सुद्ध जिन्नगी जिअब।
    हे यहोवा तू मोरे लगे कब अउब्या?
³ मइँ कउनो भी बियर्थ मूरति समन्वा नाहीं राखब।
    जब लोग तोहार खिलाफ विद्रोह करत हीं तउ मइँ इ स घिना करत हउँ।
    मइँ कबहुँ भी एकर हिस्सा नाहीं बनब।
⁴ मइँ इमानदार रहब।
    मइँ बुरा काम स कबहुँ सम्बंध नाहीं राखब।
⁵ अगर कउनो मनई छिप छिपके आपन पड़ोसी बरे चुगली कहइ,
    मइँ ओनका रोकब।
मइँ डींग हाँकइवाला
    अउर महत्वाकांच्छी व्यक्तियन क सहन नाहीं करब।