¹ हे परमेस्सर, मइँ आँखी उठाइके तोहार पराथना करत हउँ।
    तू सरग मँ राजा क रूप मँ बिराजत अहा।
² दास लोग आपन सुआमियन क ऊपर ओन चिजियन बरे आसरे पइ रहा करत हीं, जेकर ओनका जरूरत अहइ।
    दासियन आपन सुआमिनियन क ऊपर आसरे पइ रहा करत हीं।
इहइ तरह हमका यहोवा हमरे परमेस्सर तब तलक लखत हउँ
    जब तलक उ हम पइ दाया देखाँवइ।
³ हे यहोवा, हम लोगन पइ कृपालु ह्वा।
    हम लोगन पइ दयालु ह्वा काहेकि बहोत लम्बी समइ स हम लोगन क अपमान होत अहइ।
⁴ घमण्डी लोग बहोत दिनन स
    हम लोगन क अपमानित कइ चुका अहइँ।