¹⁰ میں نے اپنے دل میں کہا، “میں اپنی آدھی عمر میں ضرور مروں گا۔
    اسفل ( پاتال) کے پھاٹکوں پر مجھے اپنی بچی ہوئی زندگی گزارنا چاہئے۔
¹¹ اس لئے میں نے کہا، “میں خدا وند کو زندوں کی زمین میں پھر نہ دیکھوں گا۔
    انسان اور دنیا کے باشندے مجھے پھر دکھا ئی نہ دیں گے۔
¹² میری نسل کو نیچے کھینچ لیا گیا ہے اور چرواہے کے خیمہ کی مانند مجھ سے دور کردیا گیا ہے۔
    میں نے اپنی زندگی جلاہے کی مانند لپیٹ لی ہے۔ وہ مجھے کر گھا سے کاٹ چکا ہے۔
    تم نے صرف ایک ہی دن میں میری زندگی کا خاتمہ کردیا۔
¹³ میں صبح تک مدد کے لئے پکارتا رہا تب وہ شیر ببر کی مانند میری سب ہڈیاں چور کر ڈالتا ہے۔
    تم نے صرف ایک ہی دن میں میری زندگی کا خاتمہ کردیا۔
¹⁴ میں کبوتر جیسا روتا رہاہوں میں ایک پرندہ جیسا روتا رہا۔
    میری آنکھیں تھک گئیں
تو بھی میں لگا تار آسمان کی طرف تکتا رہا۔
    میرے مالک میں مصیبت میں ہوں تو میری مدد کر۔
¹⁵ میں اپنے حالات کو بدلنے کے لئے اور کیا کہہ سکتا ہوں؟
    میرے مالک نے مجھ کو بتا یا کہ وہ کیا کرے گا
    اور اس نے خود اسے کیا۔
میں اپنی روح کی تلخی کی وجہ سے
    اپنی زندگی کے پورے سالوں میں آہستہ آہستہ چلا کروں گا۔
¹⁶ میرے مالک! ان ہی چیزوں سے انسان کی زندگی ہے
    اور انہی میں میری روح کی حیات ہے۔
    سو تو ہی شفا بخش
    اور مجھے زندہ رکھ !
¹⁷ دیکھو ! میری مصیبتیں ختم ہوئیں۔
    اب مجھے راحت ملی ہے۔
تو مجھ سے بہت زیادہ شفقت کرتا ہے۔
    تو نے مجھے قبر میں سڑ نے نہیں دیا۔
تو نے میرے سب گناہوں کو معاف کیا۔
    تو نے میرے سب گناہوں کو دور پھینک دیا۔
¹⁸ اس لئے کہ پاتال تیری ستائش نہیں کر سکتا،
    اور موت سے تیری حمد نہیں ہو سکتی۔
وہ جو قبر میں جاتے ہیں مدد کے لئے تیری وفا داری پر منحصر نہیں کر سکتے ہیں۔
¹⁹ وہ لوگ جو زندہ ہیں جیسا کہ آج میں ہوں
    تیری مدح سرائی کرتے ہیں۔
    ہر ایک باپ اپنی اولاد کو تیری وفاداری کی خبر دیگا۔
²⁰ اس لئے میں کہتا ہوں “خدا وند نے مجھ کو بچا یا ہے
    اس لئے ہم عمر بھر خدا وند کے گھر میں نغمہ سرائی کریں گے اور ساز بجائیں گے۔