Add parallel Print Page Options

موسیقی کے ہدایت کا ر کے لئے التشخیت کے سُر پر آسف کا نغمہ

75 اے خدا!ٍ ہم تیرا شکر ادا کر تے ہیں۔
    ہم تیرا شکر کرتے ہیں۔ کیوں کہ تیرا نام نزدیک ہے۔
    اور لوگ تیرے ان حیرت انگیز کاموں کا جن کو تو کرتا ہے ، ذکر کر تے ہیں۔

خدا کہتا ہے ، “ میں نے فیصلے کا وقت متعین کر لیا ہے۔
    میں راستی سے فیصلہ کروں گا۔
زمین اور زمین کی ہر شئے ڈگمگا سکتی ہے۔
    اور گر نے کو تیار ہوسکتی ہے۔ لیکن میں ہی اسے برقرار رکھ سکتا ہوں۔”

4-5 “بعض لوگ بہت ہی مغرور ہو تے ہیں۔
    وہ سوچتے رہتے ہیں کہ وہ بہت طاقتور اور اہم ہیں۔
لیکن میں اُن لوگوں کو بتا دوں گا،
    “ ڈینگ مت ہانکو!” اتنے مغرور مت بنے رہو!”
اس زمین پر ایسی کو ئی قوّت نہیں ہے
    جو انسان کو ادنیٰ سے اعلیٰ بنا سکتی ہے۔
خدا حاکم ہے۔ خدا ہی یہ فیصلہ کر تا ہے کہ کون شخص عظیم ہو گا۔
    خدا ہی کسی شخص کو سرفرازی بخشتا ہے ، اور کسی دوسرے کو پستی میں پہنچا تا ہے۔
خدا ، شریروں کو سزا دینے کے لئے تیار ہے۔
    خداوند کے پاس زہر ملی ہو ئی شراب ہے۔
خدا اس شراب (سزا) کو اُنڈیلتا ہے ،
    اور شریر لوگ اسے آخری بُوند تک پیتے ہیں۔
میں لوگوں سے ان باتوں کا ہمیشہ ذکر کروں گا۔
    میں اسرائیل کے خدا کی مدح سرائی کروں گا۔
10 میں شریر لوگوں کی قوّت کو چھین لوں گا ،
    اور میں نیک لوگوں کو قوّت دوں گا۔