زبُور 118

Urdu Bible: Easy-to-Read Version

118 خداوند کی تعظیم کرو، کیوں کہ وہ خدا ہے۔
    اُس کی سچی شفقّت ابد تک رہے گی۔
² اِسرائیل یہ کہتا ہے ،
    “اس کی سچی شفقّت ابد تک رہے گی !”
³ کا ہن کو کہنے دے ،
    اُس کی سچی شفقّت ابد تک رہے گی۔
⁴ تم لوگ جوخداوند کی پرستش کر تے ہو یہ کہو،
    “اس کی سچی شفقت ابد تک رہے گی۔”

⁵ میں مصیبت میں تھا، اس لئے مدد پا نے کے لئے میں نے خداوند کو پکا را۔
    خداوند نے مجھ کو جواب دیا اور خدا نے مجھ کو آزاد کیا۔
⁶ خداوند میرے ساتھ ہے ، اس لئے میں کبھی نہیں ڈروں گا۔
    لوگ مجھ کو نقصان پہنچانے کچھ نہیں کر سکتے۔
⁷ خداوند میرا مددگار ہے۔
    میں اپنے دشمنوں کو شکست یاب دیکھو ں گا۔
⁸ انسانوں پر اعتماد کر نے سے
    خداوند پر توکّل کر نا بہتر ہے۔
⁹ رہنما ؤں پر توکّل کر نے سے
    خداوند پر توکّل کر نا بہتر ہے۔

¹⁰ مجھ کو اُن دشمنوں نے گھیر لیا ہے۔
    لیکن خداوند کی قُد رت سے میں نے ان کو ہرا دیا۔
¹¹ دشمنوں نے مجھ کو دوبا رہ گھیرلیا۔
    خداوند کی قُدرت سے میں نے ان کو ہرا دیا۔
¹² دُشمنوں نے شہد کی مکھیوں کی طرح مجھے گھیر لیا۔
    لیکن وہ جلد ہی جلتی ہو ئی جھا ڑی کی مانند فنا ہو گئے۔

¹³ میرے دُشمنوں نے مجھ پر حملہ کیا،
    اور مجھے لگ بھگ بر باد کر دیا، مگر خداوند نے مجھ کو سہا را دیا۔
¹⁴ خداوند میری طاقت اور میری فتح کا گیت ہے۔
    خداوند میری حفا ظت کر تا ہے۔
¹⁵ صادقوں کے خیموں میں جشن منا یا جا رہا ہے ، تم اُس کو سُن سکتے ہو۔
    خداوند نے اپنی عظیم قُدرت پھر سے ظا ہر کی ہے۔
¹⁶ خداوند کا داہنا ہاتھ بُلند ہے۔
    دیکھو خدا نے اپنی عظیم قُدرت پھر سے دکھا ئی ہے۔

¹⁷ میں زندہ رہوں گا ، میں نہیں مروں گا۔
    اور جو کام خداوند نے کئے ہیں، میں اُن کو بیان کروں گا۔
¹⁸ خداوند نے مجھے سزا دی
    اس نے مجھے مر نے نہیں دیا۔
¹⁹ اے راستبا زی کے پھاٹکو تم میرے لئے کُھل جا ؤ
    میں اندر آؤں گا اور خداوند کا شکر ادا کروں گا۔
²⁰ وہ خداوند کا پھا ٹک ہے۔
    صرف صادق لوگ ہی اُس سے ہو کر جا سکتے ہیں۔
²¹ اے خداوند!میری فریاد کا جواب دینے کے لئے تیرا شکر گذارہوں۔
    میری حفا ظت کے لئے ، میں تیرا شکر ادا کرتا ہوں۔

²² جس کو معماروں نے مسترد کر دیا
    وہی پتھر کو نے کا پتھر بن گیا۔
²³ وہ خداوند کی جانب سے ہوا
    اور ہم تو سوچتے ہیں یہ حیرت انگیز ہے۔
²⁴ یہ وہی دن ہے جسے خداوند نے مقرّر کیا۔
    ہم اِس میں شادماں ہوں گے اور خوُشی منا ئیں گے۔

²⁵ لوگوں نے کہا ، “خداوند کی ستا ئش کرو!
    خداوند نے ہما ری حفا ظت کی ہے۔
²⁶ اُن سب کا خیر مقدم کرو جو خداوند کے نام سے آ رہے ہیں۔
    کا ہنوں نے کہا، “خداوند کے گھر ہم تمہا را خیر مقدم کر تے ہیں۔”
²⁷ یہوداہ ہی خدا وند ہے۔ اور اُسی نے ہم کو نُور بخشا ہے۔
    قربانی کو قربانگا ہ کے سینگوں کی رسّیوں ے باندھو۔

²⁸ اے خداوند ! تُو میرا خدا ہے اور میں تیرا شکر ادا کر تا ہوں۔
    میں تمجید کروں گا۔
²⁹ خداوند کی ستا ئش کرو ، کیوں کہ وہ بھلا ہے۔
    اُس کی سچی شفقت ابد تک رہے گی۔