⁸ خداوند کا شکر ادا کرو،اس کے نام کا اعلان کرو ،
    قوموں کے درمیا ن اس کے کارناموں کا ذکر کرو۔
⁹ خداوند کے لئے گیت گا ؤ ، خداوند کی حمد کے ترانے گا ؤ۔
    ا س کے تمام معجزات کے متعلق کہو۔
¹⁰ خداوند کے مقدس نام پر فخر کرو
    ان سبھوں کو جو خداوند کو تلاش کرتا ہے خوشیاں منانے دو !
¹¹ خداوند اور اس کی طاقت کی تلاش کرو
    ہمیشہ اس کے رحم و کرم میں رہنے کی خواہش کرو۔
¹² ان عجیب و غریب کا موں کو اس کے معجزے
    اور اس کے فیصلوں کو یاد کرو جو اس نے کئے ہیں۔
¹³ اسرائیل کی اولادیں اس کی خادم ہیں۔
    یعقوب کی نسلیں اس کے چُنے ہو ئے لوگ ہیں !
¹⁴ خداوند ہمارا خداہے۔
    اس کے فیصلے پو ری زمین پر لا گو ہیں۔
¹⁵ اس کے معاہدوں کو ہمیشہ یادرکھو۔
    اس وعدہ کو جو اس نے ہزاروں نا اہلوں سے کئے تھے۔
¹⁶ یہ وہ معاہدہ ہے جسے خداوند نے ابراہیم سے کیا تھا۔
    وہ وعدہ جسے اسنے اسحاق سے کیا تھا۔
¹⁷ اس نے اسے یعقوب کے لئے قانون کے طور پر
    اور اسرائیل کے لئے معاہدہ کے طور پر ہمیشہ کیلئے قائم کیا۔
¹⁸ خداوند نے اسرائیل سے کہا تھا، “میں کنعان کا ملک تجھے دو ں گا
    وعدہ کی ہو ئی زمین تمہا ری ہو گی۔ ”
¹⁹ جب وہ لوگ تعدا د میں تھوڑے تھے ،
    غیر اہم تھے اور ملک میں اجنبی تھے ،
²⁰ وہ ایک ملک سے دوسرے ملک کو بھٹکتے تھے۔
    وہ ایک بادشاہت سے دوسری باد شاہت کو گئے۔
²¹ لیکن خداوند نے کسی کو انہیں چوٹ پہنچا نے نہ دیا۔
    خداوند نے بادشا ہوں کو انلوگوں کے لئے خبر دار کیا :
²² “میرے چُنے ہو ئے کو چوٹ نہ پہنچا ؤ۔
    میرے نبیوں کو چوٹ نہ پہنچا ؤ۔”
²³ خداوند کے بارے میں ساری زمین پر گیت گا ؤ!
    ہر روز اپنی نجات کی خوش خبری کا اعلان کرو۔
²⁴ اس کے جلا ل کا اعلان قوموں کے درمیان کرو
    اور اس کے معجزاتی کاموں کے بارے میں سبھی لوگوں کو کہو۔
²⁵ خداوند عظیم ہے
    اور سب سے زیادہ حمد کے لا ئق ہے۔
اور دوسرے تمام خدا ؤں سے زیادہ مہیب ہے۔
²⁶ کیوں ؟ کیونکہ تمام دنیا وی خدا صرف بے قیمت مجسمے ہیں
    لیکن خداوندنے آسمانوں کو بنا یا۔
²⁷ شان وشوکت اور جا ہ و جلال
    اسے گھیرے ہو ئے ہیں۔
²⁸ قوموں کے سبھی خاندانوں کی تمجید کرو،
    اس کے جلال اور قدرت کی تمجید کرو۔
²⁹ خداوند کے پُر جلال نام کی تمجید کرو۔
    نذرانہ پیش کرو اور اس کے گھر میں آؤ۔
    اس کے مقدس آ رائش میں اس کی پرستش کرو۔
³⁰ اے روئے زمین کے تمام لوگو اس کے آگے کانپو،
    سچ مچ میں زمین مضبوطی سے قائم ہے اسے ہلا ئی نہیں جا سکتی ہے۔
³¹ آسمانوں کو خوشی منانے دو۔زمین کو خوش ہو نے دو۔
    انہیں قوموں کے درمیان اعلان کرنے دو، “خداوند بادشا ہ ہے !”
³² سمندر اور اس میں بھری ہو ئی ساری چیزوں کو گرجنے دو۔
    بیرون شہر اور اس کی ساری چیزوں کو خو شی منانے دو!
³³ تب خداوند کے سامنے جنگل کے درخت خوشی سے گا ئیں گے کیوں کہ
    وہ دنیا کا فیصلہ کرنے کیلئے آئے گا۔
³⁴ خداوند کا شکر ادا کرو کیو نکہ وہ اچھا ہے
    اس کا پیار ہمیشہ ہمیشہ رہے گا۔
³⁵ اسے کہو: “خدا ہم لوگوں کا نجات دہندہ ہم لوگوں کو بچا!
    ہم لوگو ں کو جمع کر اور ان قوموں سے ہم لوگو ں کو آزاد کر۔
    تا کہ ہم لوگ تمہا رے مقد س نام کا شکر ادا کر سکیں۔
    تا کہ ہم لوگ فخر سے لوگو ں کو کہہ سکیں کہ تمہا ری تعریف کی جا ئے گی۔”
³⁶ اسرائیل کے خداوند خدا کی ہمیشہ ازل سے ابد تک تعریف ہو۔