معاہدہ کے صندوق کی واپسی

13 داؤد نے ان سبھی عہدیداروں سے جو ہزارو ں اور سیکڑوں کے سپہ سالار تھے رابطہ قائم کیا۔ ² داؤد نے اسرائیل کی پوری اجلاس سے کہا : “اگر تم محسوس کرتے ہو کہ یہ اچھا ہے اور اگر یہ خداوند ہمارا خدا کی طرف سے ہے تب ہمیں اسرائیل کے ہر علاقے میں رہنے وا لے ہمارے بھا ئیوں کے ساتھ ہی ساتھ کا ہنوں اور ان کے شہروں اور چراگاہوں میں رہنے وا لے لاویوں میں قاصدو ں کو بھیجنے دو۔تاکہ وہ ہم میں شامل ہو سکیں۔ ³ ہمیں ہمارے خدا کے معاہدہ کے صندوق کو واپس لا نے دو۔ کیو نکہ ہم لوگوں کو ساؤل کے دورِ حکومت میں رد کردیا تھا۔ ⁴ اور سارے اسرائیل ایسا کرنے کیلئے راضی ہو گئے۔کیونکہ تمام لوگوں نے خیال کیا تھا کہ ایسا کرنا صحیح ہے۔”

⁵ اور اس لئے داؤد نے مصر کو سیحور دریا سے حمات کے شہر تک تمام بنی اسرائیلیوں کو قریت یعریم شہر سے معاہدہ کے صندوق کو لانے کے لئے جمع کیا۔ ⁶ داؤد اور سارے اسرائیلی یہوداہ کے بعلہ ( قریت یعریم ) کو خدا کا صندوق، خداوند جو کروبی فرشتوں کے اوپر بیٹھتے ہیں ،واپس لا نے گئے یہ یہی صندوق ہے جسے خداوند کے نام سے پکا را جا تا ہے۔

⁷ ان لوگو ں نے معاہدہ کے صندوق کو ابینداب کے گھر سے ایک نئی گاڑی میں لا ئے۔عزّا اور اخیو گاڑی ہانک رہے تھے۔

⁸ داؤد اور سبھی بنی اسرائیل پورے جوش وخروش کے ساتھ تقریب منا رہے تھے۔ وہ لوگ گا رہے تھے اور بربط ، ستار ، ڈھول ،مجیرا اور بگل کے ساتھ موسیقی بجا رہے تھے۔

⁹ وہ کیدون کی کھلیان میں آئے گاڑی کھینچنے وا لے بیلو ں کو ٹھو کر لگی عزا نے معاہدہ کے صندوق کو سنبھالنے کے لئے اپنے ہا تھ آگے بڑھا ئے۔ ¹⁰ خداوندعزا پر بہت غصہ ہوا۔خداوند نے عزا کو مار ڈا لا کیوں کہ اس نے صندو ق کو چھو لیا تھا۔ اس لئے وہ خدا کے سامنے مر گیا۔ ¹¹ داؤد غصّہ ہو ئے کیوں کہ خداوند نے اپنا غصہ عزا پر دکھا یا۔ اس لئے اب تک وہ جگہ “ پرض عزّا ^[a] سے جانی جا تی ہے۔

¹² داؤد اس دن خدا سے ڈرگیا۔ اور اس نے کہا، “میں معاہدہ کے صندوق کو یہاں اپنے پاس کیسے لا سکتا ہوں؟” ¹³ اس لئے داؤد نے معاہدہ کے صندوق کو اپنے ساتھ شہر داؤد نہیں لے گیا۔ اس کے بجائے اس نے معاہدہ کے صندوق کو عوبید ادوم کے گھر پر رکھا۔ عوبید ادوم جاتی لوگوں میں سے تھا۔ ¹⁴ اس لئے معاہدہ کا صندوق عوبید ادوم کے خاندان کے ساتھ اس کے گھر میں تین مہینے رہا۔اور خداوند نے عوبید ادوم کے خاندان کو اور اس کے یہاں جو کچھ بھی اس کو فضل عطا کیا۔